الخبر المصرى
بحـث
 
 

نتائج البحث
 


Rechercher بحث متقدم

المواضيع الأخيرة
» التحليل الفني للعملات ليوم الخميس 21-04- 2016 OtmFx
الخميس أبريل 21, 2016 10:05 am من طرف OtmFX

» تحليل زوج اليورو دولار اليوم الاثنين 18-4-2016 من OtmFX
الإثنين أبريل 18, 2016 9:42 am من طرف OtmFX

» التحليل الفني للعملات ليوم الجمعة 15-04- 2016 OtmFx
الجمعة أبريل 15, 2016 12:07 pm من طرف OtmFX

» التحليل الفني للعملات ليوم الاربعاء 13-04- 2016 OtmFx
الأربعاء أبريل 13, 2016 11:10 am من طرف OtmFX

» التحليل اليومي للعملات ليوم 7-4-2016 من OtmFX
الخميس أبريل 07, 2016 11:37 am من طرف OtmFX

» التحليل الفني للعملات ليوم الجمعة 01-04- 2016 OtmFx
الجمعة أبريل 01, 2016 11:26 am من طرف OtmFX

» ما هى أفضل شركة لتجارة الفوركس؟؟؟؟
الثلاثاء مارس 29, 2016 4:20 pm من طرف OtmFX

» التحليل الفني للعملات ليوم الاربعاء 23-03- 2016 OtmFx
الأربعاء مارس 23, 2016 10:58 am من طرف OtmFX

» التحليل الفني للعملات ليوم الثلاثاء 15-03- 2016 OtmFx
الثلاثاء مارس 15, 2016 1:15 pm من طرف OtmFX

» التحليل الفني للذهب والعملات اليوم14-3-2016من OtmFX
الإثنين مارس 14, 2016 10:50 am من طرف OtmFX

» تحليل زوج اليورو دولار اليوم11-3-2016 من OtmFX
الجمعة مارس 11, 2016 11:47 am من طرف OtmFX

»  أفضل التوصيات ربحية وأقلها مخاطرة
الخميس مارس 10, 2016 11:20 pm من طرف OtmFX

» التحليل اليومي للعملات ليوم 9-3-2016 من OtmFX
الأربعاء مارس 09, 2016 10:14 am من طرف OtmFX

» التحليل الفني للعملات ليوم الاثنين 07-03- 2016 OtmFx
الإثنين مارس 07, 2016 10:17 am من طرف OtmFX

» التحليل الفني للعملات ليوم الجمعة 04-03- 2016 OtmFx
الجمعة مارس 04, 2016 1:12 pm من طرف OtmFX

تبادل اعلانات
جريدة
دخول

لقد نسيت كلمة السر


معلومات بجد عن الكلية لكل الصغننين و اية هى احسن الاقسام المناسبة للبنات؟؟؟

استعرض الموضوع السابق استعرض الموضوع التالي اذهب الى الأسفل

معلومات بجد عن الكلية لكل الصغننين و اية هى احسن الاقسام المناسبة للبنات؟؟؟

مُساهمة  الباشمهندس عمرو في الخميس أغسطس 06, 2009 3:34 am

السلام عليكــم ورحمـة الله وبركاتــة ،،كيف حالك إن شاء الله دائمــاً بخير ؟أهلاً ومرحباً .. أهلا بمن أتانا بتحية وسلام يريد الترحيب بأحلى الكلام .. يريد أن نعلن له الأنضمام .. إلى كوكبة أعضائنـا الكرام ،،ازيكم يا باشمهندسين انا اخوكم عمرو انا بحاول اقرب منكم ونتعرف علي كليتنا الجديده
الكليه صراحه كانت السنه اللي فاتت منتهي البهدله وسوء التنظيم ده لانها تاني سنه يطبق فيها قرار نقل الكليه من القاهره الي الشيخ زايد بس السنه دي ان شاء الله هتلاقوا الكليه وكانكم في القاهره ويمكن احسن بس يا ريت تيجوا الكليه ان شاء الله تكون
سنه دراسه جميله علينا وبالتوفيق ان شاء الله اخوكم ميدو وعليكــم السـلام ورحمة الله وبركاتـه..
المصدر : طلبه

الباشمهندس عمرو
عضو نشط
عضو نشط

عدد الرسائل : 14
العمر : 28
نقاط : 15308
تاريخ التسجيل : 02/08/2009

الرجوع الى أعلى الصفحة اذهب الى الأسفل

اقسام هندسه القاهره الحاليه

مُساهمة  الباشمهندس عمرو في الخميس أغسطس 06, 2009 3:41 am

1- عماره

2-مدني

3-كهرباء((هندسه القوي و الالالت الكهربيه))

4-اتصالات و الكترونيات

5-حاسبات

6-طبيه

7-طيران

8-ميكانيكا(( و ينقسم في سنه 3 الي تخصصين : باور- انتاج))

9- كيمياء

10- تعدين ((وينقسم في سنه 2 الي 3 تخصصات: بترول- فلزات- مناجم))

الباشمهندس عمرو
عضو نشط
عضو نشط

عدد الرسائل : 14
العمر : 28
نقاط : 15308
تاريخ التسجيل : 02/08/2009

الرجوع الى أعلى الصفحة اذهب الى الأسفل

بسم الله نبدأ

مُساهمة  الباشمهندس عمرو في الخميس أغسطس 06, 2009 3:43 am

قـــــســـــــم الاتصالات و الالكترونيات

اول حاجه احب اقولهالكم ان القسم مش سهل ولازم محتاج من الواحد تركيز

ولازم عشان تمشي فيه كويس تكون بتحب الفيزياء والرياضه (وحط تحتها 100 خط

بس اياجماعه محدش يقلق الموضوع بيعدي يعني الحمد لله ...

. بالنسبه للمواد اللي في القسم في 5 مواد خاصين بالقسم

وشوية مواد كده عامه زي الرياضه والفيزياء وشوية مواد من بره القسم عشان المعلومات العامة

زي الهندسة الميكانيكه والمدنيه ومادتين من قسم باور

بالنسبة لل 5 مواد بتوع القسم

الاكترونيات

دي تعتبر الماده الاساسيه في القسم وبجد مادة ممتعة جدا بس لو فهمتها صح (للاسف هي عندنا في القسم هتحسوا انها مش بتتدرس صح بس بجد لو كام دكتور كده عندنا في القسم اتغيروا هتبقي الماده دي ممتعه جدا علي العموم هي بتتاخد في ال 4 سنين بتوع القسم علي مدار التيرمين ... هي باختصار بتعلمك ازاي تحلل اي دايره الكترونيه وتعرف هي شغالة ازاي طبعا انت بتتعلم شوية دواير اساسية وبعد كده انت المفروض لو عايز تكون دايره معينة بتستخدم الدواير الاساية دي عشان توصل للي انت عايزه

كمبيوتر

في 7 كورسات كمبيوتر عندنا في القسم وكلهم كويسين وممتعين تقريبا اكتر ماده هتعجبكم في القسم
اتصالات : الماده دي هتبدأ معاكو من التيرم التاني في تانيه ... هي بتبدأ اول كورس فيها بيبقي رياضه بعنف .. بعد كده الرياضة بتقل وتبتدي تحس بالتطبيقات ... المادة دي هي اكتر ماده في القسم فيها مشاريع .. بس صدقني هتستفاد منها اوي ولو انت عايز تشتغل في المجال ده لما تتخرج هما بيفضلوا خريج جامعة القاهره عن خريج عين شمس (علي عكس الالكترونيات بيفضلوا خريج جامعة عين شمس عن خريج جامعة القاهره )

كنترول ( تحكم )

بتبدأ معاك من تالته ... ماده معظمها رياضه بس سهلة محدش يقلق

موجات: خـــــــــــــــــــــــــــــــطـــــــــــــــــ ـــــــــــــــــر


اصعب مادة في القسم ... هي ليها علاقه بالي انتو اخدتوه في الكهربيه في اعدادي بس علي تقيل ... هي علم قوي جدا وتقريبا هي اساس الالكترونيات والاتصالات بس للاسف ملهاش شغل هنا لسه في مصر وتقريبا برده لو اتخصصت في المجال ده وحبيت تشتغل بره مصر مش هتعرف لانه بيعتبروه جزء حساس ولازم اللي يشتغل بحث فيه يبقي مواطن في البلد دي لانه غالبا البحث فيه بيبقي مخصص للجيش وكده .... فسيبكوا منه ده

الدوائر الكهربيه

هيا ماده كويسه بس محتاجه تفهم اساسياتها وبعدين تحل كتير

بالنسبه للشغل

زي مانتوا شايفين كده المجالات متنوعه والحمد لله الاماكن كتير ( بس الكلام ده كان قبل الازمه الاقتصاديه لان الشركات اللي ممكن تشتغل فيها معظمها عالميه فتأثرت جامد بالازمة دي .. ربنا يستر وتعدي علي خير )
اللي عايز يسأل اكتر عن القسم يبعتلي هنا او لو عايز ممكن يجيلي القسم ان مكتبي في الدور التاني قسن اتصالات ... الاوده الوحيده اللي في الدور ده لو قابلت اي حد هناك اسأله عن القسم العزيز[center]

الباشمهندس عمرو
عضو نشط
عضو نشط

عدد الرسائل : 14
العمر : 28
نقاط : 15308
تاريخ التسجيل : 02/08/2009

الرجوع الى أعلى الصفحة اذهب الى الأسفل

قســـــــــم مــــــدنـــى

مُساهمة  الباشمهندس عمرو في الخميس أغسطس 06, 2009 3:45 am

أولا بتمني لكم التوفيق السنه دي و السنين الجايه ان شاء الله

ثانيا هكلمكم شويه عن قسم مدني ( عام ) و حكايه عام اللي بين القوسين دي

إن مدني قبل كده كان فيه أقسام جوه مدني من انشاءات لطرق و كباري و إلخ إلخ

المهم انتم دلوقتي هتطلعوا مهندس مدني عام ( يعني بتاع كله ) , يعني هتطلع من الكليه

واخد فكره عن كل حاجه بس مش هتبقي متخصص في أي حاجه غير عين شمس تقريبا لسه فيها التخصصات في مدني

المهم نتكلم شويه عن مدني و هبدأ من ناحيه المذاكره ,

اولا مفيش قسم في كليتنا نقدر نقول عليه سهل يعني نقول متوسط و صعب

و الحمد لله مدني من الأقسام المتوسطه و سهل تعمل فيها حاجه بمعدل مذاكره قليل كل يوم ( بس اللي يذاكر كل يوم بقي )
بعد كده نتكلم علي مواد اللي ممكن تقابلوها في مدني و سير العمليه التعليميه جوه القسم

سنه أولي : تقريبا شبه اعدادي جدا في موادها مع دخول شويه مواد تحس فيها انك في مدني اولها الاستركشر و دا معاك لحد تالته مدني

و المساحه و دي معاك لحد تانيه مدني و هتلاقي معاهم رياضه و فيزيا و ميكانيكا في الترم الاول و ماتريال و المهندس و البيئه الترم التاني

يعني هتحس ان مفيش اختلاف بين اعدادي و اولي قوي و تعتبر سنه متوسطه في قسم مدني

سنه تانيه : الترم الاول و دا يعتبر أصعب ترم في الأربع سنين كلها و محتاج مذاكره كتير لأن المواد بتاعته تقيله

و الغريب ان الترم التاني صعب يجيلنا ترم زيه بعد كده .. خلاص عديت تانيه ..

انت تقريبا خلصت هم كبير علي قلبك و السنتين اللي بعدها حاجه دلع بمعني دلع هتلاقي المذاكره بتقل بتقل بس الشغل

بإيدك هيزيد و يزيد يعني زي رسم لوح و حل شيتات

و يعني هتعمل مجهود بدني و شويه مجهود ذهني

سنه تالته : سنه دلع الترم الاول نقدر نقول عليه سهل و التاني أسهل

سنه رابعه : بسمع انها زي تالته و أسهل منها كمان

الباشمهندس عمرو
عضو نشط
عضو نشط

عدد الرسائل : 14
العمر : 28
نقاط : 15308
تاريخ التسجيل : 02/08/2009

الرجوع الى أعلى الصفحة اذهب الى الأسفل

قسم ميكانيكا

مُساهمة  الباشمهندس عمرو في الخميس أغسطس 06, 2009 3:46 am

ازيكم ياباشمهندسين أخيرا هنتكلم عن قسم ميكانيكا

أولا
أهم حاجه تكون حابب الحاجه اللي انت داخلها سواء ميكانيكا أو غيرها
نيجي بقي للقسم
القسم مقسوم قسمين
ميكانيكا باور وميكانيكا انتاج
ودول بتتخصص فيهم من سنه 3
يعني أولي وتانيه بيبقي كله مع بعضه
__________________

طيب ايه باور وايه انتاج وبيشتغلوا ف ايه

نبدأ بباور
باور يعني قوي
ابسط مثال لشغل ميكانيكا باور ... العربية , بتاع باور بيحدد لنا الماتور وشغله وكفاءته ودرجات الحرارة والذي منه , كمان بيصمم التكييف بتاع العربية ومعادلات درجات الحرارة بين جوة و برة

مهندس باور بيشتغل ف كل حاجه
بترول و مصاعد وتكييف وحاجات كتير

نيجي لانتاج
زي ما باين من اسمها ... انها متخصصة في الأنتاج , خلينا نقول بمعنى اصح , في التنفيذ ... , وبالتالي فهي اكثر شمولا واكثر عموما من اي قسم تاني ... لأن أي قسم تاني أثناء شغله لازم يعدي على انتاج ..

ناخد مثال
مدني ... مش ممكن مهندس مدني يشتغل سواء خراسنة مسلحة او (steel) إلا إذا مهندس الانتاج عمل له قطاعات الـ steel على ماكينات الدرفلة .. او استخلص له اسياخ الحديد من خام البليت ..

كهرباء باور ... اي شغل لوحات كهربية , او محولات او خطوط ضغط عالي ... الحاجات دي تنفيذها هي في حد ذاتها (يعني جسم المحول نفسه) لازم يكون على ايد مهندس انتاج ..

وحاجات تانيه
____________________

هناخد ايه ف ميكانيكا
نيجي لسنه أولي
رياضه وفيزيا ورسم وهندسه انتاج وعلم مواد وقوي مواد وحاجات تانيه
سنه تانيه
فيها علم مواد وتصميم ميكانيكي وحاجات تانيه
_______________________

في ناس كتير بتخاف من ميكانيكا عشان الرسم
بصوا الرسم موهبه فعلا
لكن ممكن بشويه مجهود نتعلمها
والرسم عندنا مش صعب اوي
مسامير وصمامات
ودي هتاخدوها ف التدريب اللي ف الصيف ان شاء الله
________________________

ميكانيكا بياخد اي تقدير بأي مجموع
وعادي جدا

الباشمهندس عمرو
عضو نشط
عضو نشط

عدد الرسائل : 14
العمر : 28
نقاط : 15308
تاريخ التسجيل : 02/08/2009

الرجوع الى أعلى الصفحة اذهب الى الأسفل

قسم طبيه

مُساهمة  الباشمهندس عمرو في الخميس أغسطس 06, 2009 3:58 am

طب لو أنت عايزة أو أنتى عايزة تدخلوا قسم طبية
المفروض أفكر فى ايه قبل ما اختاروه

أول حاجة المفروض تبقوا عارفينها هو القسم ده متخصص فى ايه

وتانى حاجة ايه هى المواد اللى هدرسها فى القسم ده

وهل المواد دى أنا حابب أدرسها ولا لأ

وتالت حاجة أنا هطلع من القسم ده اشتغل ايه
?
?

طيب تعالوا نتعرف فى الأول قسم طبية ده هطلع منه بايه
هو القسم متخصص فى الأجهزة الطبية
يعنى هنطلع منه عارفين الأجهزة الطبية و بتستخدم فى ايه و بتتصلح ازاى وهنعرف كمان شوية برمجة عشان تساعدنا فى عمل البرنامج اللى شغال عليه الجهاز


طيب يا ترى ايه المواد اللى هتدرسوها فى القسم

فى سنة أولى أنتوا هتدرسوا فيزياء و رياضة و بيولوجى و سيركيت

و كيمياء و ميكانيكا و علم نفس فى الترم الأول و كمبيوتر ترم تانى

أنتوا عارفين طبعا الفيزياء و الرياضة والكيمياء والميكانيكا و الكمبيوتر

الجديد عليكم البيولوجىوالسيركيت و علم النفس

البيولوجى وده هتدرسوا فيه جسم الانسان بيتركب من ايه علشان نبقى عارفين اى جهاز المفروض يتوصل ازاى بيه

كمان فى علم النفس هتدرسوا عن استجابة الانسان و رد فعله و ده برضه هيفيدنا لما ندرس الأجهزة

و فى السيركيت هتدرسوا شوية حاجات كده شبه الفيزياء عن قوانين كيرشوف وحاجات زى دى


فى سنة تانية هتدرسوا الكترونيكس و سيركيت و فسيولوجى و

]measurement و رياضة وكمبيوتر و biochemistry

الجديد برضه عليكم هو الالكترونكس و الفسيولوجى و

measurement و biochemistry

الالكترونيكس ده هتدرسوا فيه عن الدواير الالكترونية عشان أى جهاز بيبقى فيه دايرة من جواه هى اللى بتخليه يقوم بوظيفته

و الفسيولوجى ده برضه هتدرسوا فيه ازاى القلب بيشتغل و العضلات و الأعصاب وكده

هتدرسوا فيها عن أجهزة القياس و استخداماتهاmeasurementوال

دى زى الكيمياء كدهbiochemistryوال


ممكن تحسوا أن الكلام دا غريب شوية
بس لأ دا يمكن عشان أول مرة تسمعوا المواد دى
عشان كده أنا مش هكمل مواد سنة تالتة و رابعة


طيب دلوقتى يبقى احنا ناقصنا نعرف لما تتخرجوا إن شاء الله هتشتغلوا ايه

مجالات قسم طبية فى الشغل كتيرة أنتوا ممكن تشتغلوا فى حاجة

خاصة أوى بالأجهزة سواء كمهندسين صيانة فى مستشفى علشان لو الجهاز عطل تصلحوه أ

و كمهندسين صيانة برضه بس فى شركات علشان برضه المستشفيات

تستعين بيكم فى تصليح الأجهزة وممكن تشتغلوا كمندوبين مبيعات تعملوا تسويق للأجهزة '

يعنى تبقوا عارفين الجهاز اللى معاكم ده بيتكون من ايه وايه مميزاته و ايه عيوبه

وممكن تبعدوا بالشغل عن مجال الأجهزة الطبية خالص و تشتغلوا كمهندسين برمجة

C & C++ & C# & JAVAلأن انتوا خلال الدراسة هتدرسوا مواد برمجة زى

و دى طبعا هتحتاج انكم تهتموا بالمواد دى و تزودوا قدراتكم فيها

الباشمهندس عمرو
عضو نشط
عضو نشط

عدد الرسائل : 14
العمر : 28
نقاط : 15308
تاريخ التسجيل : 02/08/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى